ملحمة الدّغباجي ...الخمسة الي لحڨوا بالجرّة
" لا تخشي علي يا أمي فإني لا أخاف رصاص الأعداء، ولا أجزع من الموت في سبيل عزّة وطني.."
ـــــ
الشهيد المجاهد " أسد الجنوب التونسي " محمّد الدغباجي
رحم الله شهداء و رجال تونس الاحرار. و لعن الله كل من سعى لتغييب و تشويه تاريخهم النضالي ليكتب لنفسه تاريخا مزيفا لا يستحقه.
من الخاصيات الفذّة للشّعر الشعبي أنه يوثق الأحداث التي تمس الناس في الصميم، و الشاعر يتوصل بشاعريته أنه يعطي للأحداث البعد الذي يتجاوز الحدثية و يدخل به التاريخ و يبقى بفضل تلك البلاغة و الخيال الشعري راسخ في الذاكرة أجيال وأجيال.
شعر المعارك أو مثلما ما هو دارج عند الشعراء شعر الخطاري(جمع خطرة) أو الملاطم (جمع ملطم) و معناها المواجهة من الأغراض التي أخذت مكانة في فترة المقاومة للاحتلال الفرنسي و تواصل مع الحركة الوطنية باستمرار حتى أوائل الخمسينات.
الملاحم التي ارتبطت بمحمد الدغباجي " أسد الجنوب " في المعارك التي خاضها مع الفرنسيس عديدة، غير أن القصيدة التي تصف ملطم " مخزن مطماطة " من أرقى ما يقال . الشيء الذي جعلها تبقى على الألسن و في الذاكرة الجماعية.
جو خمسة يقصوا في الجرة*** وملك الموت يراجي
و لحقوا مولى العركة المرة*** المشهور الدغباجي
***
فزعوا خمسة بربايعهم*** تايجيبوا الفلاَّقَة
مخزن مطماطة ينجِّيهم*** لثرنهم بنداقة
الكيلاني يتحلَّف فيهم*** بحلالة و طلاقه
الدَّالة الفلاَّقة نمحيهم*** في واسع رقراقة
ضربوا الخمسة وحبوا إيديهم*** زفُّوا زفْ تلاقى
كذب الوسعة يقصر بيهم*** زي هدير الناقة
تاو ان يتلاقوا يقضيهم*** بوسربة شلهاقة
زي الذيب يمزِّل فيهم*** ويلالي ويهاجي
كان التل يخبَّر بيهم*** وجواب البسطاجي.
***
فزعوا حمسة فوق حصُنَّة*** من مخزن مطماطة
وقالوا هاهي الجرة منا*** وجَوا في اوّل شوَّاطة
الدَّغباجي قاعد يستنّى*** طاح لهم وتواطى
فيده ستوتي يلدغ سِمَّه*** دار فيهم شاماطة
صُبْعَه والقرَّاص يلمَّه*** يعجل ما يتناطى
واللي ينُوشَه يا ويل أمَّه*** فاح قتار اشياطه
يجي مرمي مصبوغ بدمَّه*** سِمْ منحَّس لاطه
مسَرْجِي بيت النار بضمَّه*** وشُغْل الحربي ساجي
ومولاها كبير آصل وهمة*** وعنده الكيف مقاجي
***
نهار الخمسة لحقوا خمسة*** و للهم حامي ربِّي
صباح إلْ ما زرقتشي شمسه*** اللي يقتُل ما يدِّي
يا لاحق مكناتك همشة*** ظنِّي فيك مغدِّي
اللي يصبح منكُمْ ما يمْسَى*** الدغباجي متنبي
سرجاها بستوتي نَمْشَه*** لقداهم متفاجي
معاها يتكلم بالرَّمْشَة*** ويحكم بالكِفاجي
***
جو خمسة يقصُّوا في الجرة*** و ملك الموت معاهم
راميهم شيطان بشرَّه*** على تبزيع دماهم
قِرْحوا يحسابوها غِرَّه*** يتبشروا بملقاهم
وقت ان شبح العين تعرَّى*** تَكـُّوا الخيل قداهم
والدغباجي فيده حُرَّة*** يسربيلهم في عشاهم
سرجاها وخرجت عل برَّة*** في المِلهاد اخذاهم
دوَّفْهم كيسان المُرة*** موش من القهواجي
الخمسة درجحهُمْ في مرة*** لا من روَّح ناجي.
جو خمسة يقصوا في الجرة*** وملك الموت يراجي
و لحقوا مولى العركة المرة*** المشهور الدغباجي
------------------------------
https://www.facebook.com/infostunisia2 : الصفحة الرسمية الوحيدة على #الفايسبوك
https://twitter.com/infostunisia
https://www.youtube.com/user/infostunisie1/videos
http://www.dailymotion.com/user/infostunisie/1
https://www.youtube.com/user/infostunisie/videos
https://plus.google.com/105342651371496100679
------------------------------
http://goo.gl/8C8XF : من ستختار في #الانتخابات القامة تستطع التصويت على هذا الرابط المحايد عن كل #الاحزاب
------------------------------
Partager cet article
À propos
infostunisia2
Infos_تونس_Tunisie_Tunisia_الأخبار ˜”*°• تونسي(ة) وأفتخر •°*”˜ https://www.facebook.com/infostunisia2 #Infos #تونس #Tunisie# #Tunisia #الأخبار
Commenter cet article